RÅSTOFF24

Fakta før følelser

← Flere saker på forsiden

SSB: Fosfor frå husdyrgjødsel på lågaste nivå sidan 1990

Mengda fosfor i husdyrgjødsel var 11 400 tonn i 2025, det lågaste nivået sidan SSBs tidsserie starta i 1990.

Ifølge SSBs utrekningar for 2025 utgjorde husdyrgjødsel 85 100 tonn totalnitrogen, 48 300 tonn lett tilgjengeleg nitrogen (ammonium-N) og 11 400 tonn fosfor. Nitrogenmengda nådde ein topp på 92 300 tonn i 2016 og er no på nivå med byrjinga av 2000-talet.

I 2024 blei 4,10 millionar dekar jordbruksareal gjødsla minst éin gong med husdyrgjødsel. Det utgjer 42 prosent av jordbruksarealet i drift, 3 prosentpoeng høgare enn i 2020. 58 prosent av arealet der husdyrgjødsla blei nedmolda, blei nedmolda innan fire timar.

I 2025 blei 194 100 tonn husdyrgjødsel levert til produksjon av biogass, ein auke på 33 prosent frå 146 200 tonn i 2023. Det blei same år gitt tilskot til miljøvenleg spreiing på 3,0 millionar dekar, ein auke på 99 800 dekar frå 2024. Samla tilskot utgjorde 206,8 millionar kroner.

Den totale omsetnaden av nitrogen, fosfor og kalium frå mineralgjødsel i 2024–25 utgjorde 82 prosent av mengda i 1999. Mengdene fosfor og kalium frå mineralgjødsel var i 2025 om lag 60 prosent av 1999-nivået, ei auke på 5 prosentpoeng frå 2023.

Kilder:SSB
Del: