Dei gjennomsnittlege vekeprisane var: Søraust-Noreg (NO1) 128 øre/kWh (ned 28 øre/kWh frå veke 42), Sørvest-Noreg (NO2) 134 øre/kWh (ned 29 øre/kWh), Midt-Noreg (NO3) 93 øre/kWh (ned 27 øre/kWh), Nord-Noreg (NO4) 22 øre/kWh (ned 3 øre/kWh) og Vest-Noreg (NO5) 126 øre/kWh (ned 24 øre/kWh).

Vasskraftproduksjon frå magasin gjekk ned samanlikna med veka før og var låg for årstida i sørlege Noreg og i Midt-Noreg. Magasinfyllinga i Noreg var om lag uendra frå veka før, då redusert vasskraftproduksjon vart motsvart av omtrent normalt tilsig.

Nettoeksporten frå Noreg gjekk ned i veke 43. I sørlege Noreg var nettoeksporten over veka nær null. NVE opplyser at det manglar data for kraftforbruk i Danmark for fleire timar i veke 43, og at desse er erstatta med prognosetal.