NVE: Kraftprisane gjekk ned i alle norske prisområde i veke 41
Dei gjennomsnittlege kraftprisane fall med 4–23 øre/kWh i norske prisområde frå veke 40 til veke 41, ifølge NVEs kraftsituasjonsrapport.
Vekeprisane i veke 41 var 128 øre/kWh i Søraust-Noreg (NO1), 136 øre/kWh i Sørvest-Noreg (NO2), 80 øre/kWh i Midt-Noreg (NO3), 26 øre/kWh i Nord-Noreg (NO4) og 119 øre/kWh i Vest-Noreg (NO5). Fallet frå veke 40 var høvesvis 19, 20, 22, 4 og 23 øre/kWh.
I enkelttimar tysdag og onsdag var kraftprisane i Sørvest-Noreg (NO2) rundt 250 øre/kWh. Mellom torsdag og laurdag var det import av kraft til Sørvest-Noreg.
Sørleg Noreg (NO1, NO2 og NO5) hadde nettoimport av kraft i veke 41. Det er første gong på fem veker at dette området hadde nettoimport, ifølge NVE.
Det manglar forbruksdata for Danmark for fleire timar i veke 41. Desse er erstatta med prognosetal i NVEs tabellgrunnlag.